Chapter 27
Third Person POV
PINALIPAS lang ni Mary Jane ang ilang minuto. Tahimik lang siyang nakatayo sa may pintuan ng kusina habang nakatitig sa mag–ina. Hindi niya ginulo ang tagpo. Hinayaan niyang lasapin ni Sab ang matagal nang pagkauhaw sa yakap ng sariling anak.
Alam niyang bawal at mahigpit na pinagbabawal ni Amari. Lihim niya lang inilabas si Seve saglit, habang abala si Amari sa pakikipag–usap sa pinsan nitong si Dos at sa Judge. Ramdam niya pa rin ang kaba habang palinga–linga sa paligid—baka biglang dumating ang mga bodyguard or si Amari. Pero sa kabila ng takot, mas nanaig ang awa sa babaeng sobra na ang tiniis.
Pinikit ni Mary Jane ang mga mata saglit. Huminga nang malalim.
Kung pwede lang sana. Kung kaya lang niyang sabihin kay Sab ang buong dahilan. Kung kaya lang niy
