ILANG oras lang ang lumipas nang makarating kami sa Manila. Wala naman masyadong traffic ngayon kaya naman agad rin kaming nakarating sa bahay. Inihinto niya ang kotse sa tapat ng Mansion. At nakatayo sa tapat ng pinto ang mga ilan sa mga tauhan ni Daddy.
Bigla akong nakaramdam ng kaba hindi ko alam kung paano ko haharapin ang magulang ko. Dahil ito ang kauna-unahang beses na magkikita kaming muli sa ilang buwan na pagtatago ko sa kanila. Pero wala na akong takas ngayon kaya haharapin ko na ang magiging parusa ko sa ginawa kong pag-alis.
Bumaba na ako ng kotse ni Drake hindi ko na tinignan ang reaksiyon niya dahil alam ko naman na wala na siyang pakialam sa akin ngayon. Naglakad na ako papasok ng bahay, at ramdam ko na may nakasunod sa likuran ko ngunit hindi ko na ito nilingon pa.
Nagp
