CHAPTER 39: HUNTER
Ibinuhos ni Zephaniah ang buong araw niya sa paghahanap kay Tyron. Halos utusan niya ang buong grupo ng Poison Blade sa paghahanap sa pinsan niya.
Mula nang marinig niya ang mga kwento ng mga tao sa paligid niya tungkol sa mga nangyari rito nu'ng mga araw na wala siya, nabalot na ng matinding pag-aalala ang dalaga.
Madami ang tumatakbo sa isip niya na puwedeng gawin ng pinsan niya ngayong dumadaan ito sa matinding depresyon. Pero higit sa lahat, nangingiababaw ang pag-iisip niya na maaring ulitin ni Tyron ang pagpapakamatay habang walang nakakakita sa kanya at hindi na kakayanin pa ni Zeph na mawala pa sa kanya ang nag-iisa niyang pamilya.
"May balita na ba kayo?" agad na tanong ng dalaga nang makasalubong niya ang mga ka-grupo niyang kasama sa paghahanap sa binata.
