Kinabukasan ay bumalik ulit ako sa mansiyon. Hindi ako titigil kahit araw-araw akong mapagod sa pabalik-balik sa mansiyon.
Alam kong magagalit ulit sa akin si Stone pero susubukan ko pa rin.
Nagbabakasakali ako na masasagot na niya ang tanong ko.
Kung kinakailangan na lumuhod ako at magmakaawa sa lalaking iyon ay hindi ako magdadalawang-isip na gawin iyon kung iyon lang ang natatanging paraan para makasama ko ulit ang lolo ko.
Habang papunta ako sa mansiyon ay nakasabay ko sa daan si Jackson.
“Raizel,” tawag ni Jackson sa akin. “Kumusta? Ayos ka lang ba?”
Hindi ako okay kaya hindi ko magawang ngumiti sa kausap ko. “Saan ang punta mo?”
“Sa mansiyon. Gusto ko kasing makausap si Stone, eh.”
“Bakit? Tungkol saan naman?”
“Tungkol sa lolo ko. Itatanong ko lang sana kung talaga ban
