Araw ngayon ng lunes. Ang araw kung saan nakatakda na akong umalis.
Halos wala akong tulog magdamag dahil sa pinaghalong kaba at takot.
Marami kasi ang pumapasok sa isip ko na kung ano-anong bagay na naging dahilan para madagdagan lang ang kaba ko lalo.
At dahil kahit ano ang gawin ko ay hindi ako dinadalaw ng antok kaya naman minabuti ko na lang na bumangon na kahit alas-tres pa lang ng madaling-araw.
Nag-init na ako ng tubig at nagsalang ng sinaing.
Mag-iihaw na rin ako ng tinapa at magpiprito ng itlog para paggising ng lolo ko ay kakain na lang siya kung halimbawa maaga akong sunduin ni Stone ngayon.
“Oh, Lolo, ba’t po ang aga ninyo?” tanong ko dahil halos magkasunod lang kami na pumunta rito sa kusina. “Maaga pa po, Lolo. Hindi po ba kayo natulog?”
“Sinasanay ko na kasi an
