ANDREA
Inabangan ko ang pag-uwi ni Daddy, kakausapin ko siya.
Ginawa ko na ito dati ng ilang ulit pero kahit isang beses ay hindi niya ako pinakinggan. Mas kinampihan niya ang madrasta ko.
Pero sa pagkakataong ito, gusto ko ulit subukan baka sa mga nakalipas na taon ay may nagbago na kay Dad. Baka maisipan niyang pakinggan naman ako ngayon. After all, anak pa rin niya ako di ba?
Nakiramdam ako sa katahimikan ng mansyon, malalim na ang gabi pero wala pa siya, anong oras kaya siya darating?
Sigurado akong hindi ko pa naririnig ang pagdating ng sasakyan niya.
Kanina pa ako pasilip silip sa labas ng veranda kung saan puwede kong tanawin ang mga paparating na sasakyan sa harapan ng mansyon namin.
Pinanatili ko ring bukas ang slinding door nun para marinig ko ang ugong ng mga padating
