AKRIM
“Ma, naman.. Hindi puwede, ‘yon. Bakit sa inyo sila uuwi? Sa akin mag-iina ko.”
Nanlalaki ang mga mata kong nakatingin kay Mama habang nagliligpit na sila ng mga gamit ni Andrea sa ospital room nito.
“Bakit hindi puwede? E, dati na naman na sa akin talaga si Angelo, wala ka naman reklamo dun. About naman kay Andrea, mas okay na sa akin na muna siya. Para magkasama sila ni Angelo, maaalagaan ko rin siya—“
“Maaalagaan ko rin naman siya Ma, naroon din naman si Nana Delia.”
“Oo, nga.. pero maraming mga bagay siyang maaalala sa mansyon mo na maaring makasama na naman sa recovery niya, kaya tama lang na sa akin na muna siya. Sanay ka naman nang wala si Angelo sa puder mo-“
“Ma, please..” parang maiiyak na ako. Tang ina. Noon yun, hindi ko naman alam na anak ko talaga siya. Pero, n
