KANINA pa palakad-lakad si Kendra dito sa sala. Hindi siya mapalagay dahil sobra siyang binigla ni Dina. Gusto man niya itong pagsabihan ngunit mukhang tama naman ang ginawa ni Dina.
“Mama hindi ka po ba nahihilo?” untag sa kanya ni Kyle. Habang si Karl at Kevin ay nakatingin lang sa kanya. Si Dina naman ay kumakain ng avocado kahit gabing-gabi na habang ang kasambahay ay nakaabang sa gate.
“Pasensya na mga anak ha? hindi kasi talaga ako mapalagay, eh. Si tita Liit n’yo nasaan ba?”
“Nandito po ako ate.” Sagot ng kapatid niya na busy sa selpon.
“Sandali lang naiihi ako,” saad pa niya at nagpunta sa banyo. Napahilamos siya sa mukha habang nakaupo sa bowl. Matagal na niyang pinaghandaan ang araw na ‘to dahil makikilala talaga ng mga magulang ni Larry pero hindi sa ganitong paraan.
“
