Chapter 24: Move
TAHIMIK NA BINABAYBAY nila ang daan patungo sa selda kung saan dinala sina Pink. Sa huli, nakumbinse rin si Blaze ng dalawa na maniwala sa kanya. Iyon ang lang ang tanging paraan upang mailigtas niya ang pamilya. Kailangan niya ng mas malaking bilang ng kakampi dahil hindi biro ang ililigtas nila. Mga bata iyon at buntis. Wala sa pagpipilian nila ang pagkakamali, buhay ang nakasalalay sa pinasok nilang laro. Kailangan nilang mailigtas sa masalimuot na lugar na ito ang kapatid niya at ang iba pa. Iyon ang nasa isipan ni Blaze nang mga sandaling iyon. Sa una ay napakasikip ng air vent na pinapasok nila kaya naman natatagalan silang ipagsisikan ang sarili. Ngunit nang kalaunan ay unti-unti na iyong lumuluwag kaya malaya na silang nakakakilos habang umuusad nang nakayukyok ang ulo. Nakasunod
- Writer
