Papasok na sana si Regina sa trabaho nang tumawag sa kaniya si Lore. Nagmamakaawa itong tulungan siyang bayaran ang nagastos iyang pera mula kay Berting. Ang binayad ng matandang negosyante para mapunta sa kaniya si Regina.
"Regina... pamangkin..." naghihikahos na sabi ni Lore.
Napansin ni Regina ang pamamayat ng kaniyang tiyahin at ang pagkakaroon nito ng eye bag. Tiningnan niya ang kaniyang pinsan na namayat din. Pinaikot niya ang kaniyang paningin sa paligid ng bahay ni Lore. Wala siyang nakikitang pagkain doon.
"Ano po ang nangyari dito? Bakit mga namayat kayo?" kunot noong sabi niya.
Nagulat siya nang lumuha si Lore. "Nagkasakit ako, Regina. Hindi ko magawang magtrabaho. Wala ngang baon ang mga pinsan mo kapag papasok sila. Nanghihingi na lang ako ng pagkain sa kapitbahay para ma
