NAKALAGAK ang dalawang palapag na circle modern beach house ng mga Arguelles sa dulong bahagi ng Paniquin kung saan bibihira ang resort at pawang mga private residence ang nakatayo. May mangilan-ngilan rin namang mga turista na nagagawi roon pero hindi gaanong talamak hindi tulad sa ilang bahagi ng Sabang Beach. Nakatayo ito ilang metro mula sa dalampasigan at malayo sa iba pang private beach house na pawang nakaharap din sa beach. Mababa at kulay puti ang bakod nito na nakapaligid sa labas ng beach house kaya mula sa beach ay tanaw na tanaw ang kabuuan ng beach house.
Elegante. Iyon ang pinakaakmang pagsasalarawan sa beach house. Malaki at maluwag sa loob. Ang sala ay nasa gitna ng bahay at may napakataas na sunroof. Ang itim na sofa, na contrast ang kulay sa puting bahay, ay ipinasadya
