“OH, MY God! Really, Lolo Abel?” nanlalaki ang mga matang sambit ni Tori nang sabihin ng matandang lalaki habang kumakain sila ng pananghalian na pupunta sila sa beach house pagkatapos kumain. Agad rin niyang tiningnan si Bernard na katapat niya. Sambakol ang mukha nito habang ngumunguya ng pagkain at halatang hindi sang-ayon sa gusto ng matandang lalaki.
Inirapan niya ito at bumaling kay Lola Anita na noo'y nagsalita.
“Eh, paano ang saka, Abelardo?” kunot-noong tanong naman ng katabi niyang si Lola Anita sa kapatid nito habang hinihimay ang ulam na alimango at muling idinawdaw ang tangan na laman ng alimango sa Cajun sauce.
Muli niyang ibinalik ang atensyon sa pagkuha ng laman ng alimango sa sipit niyon saka iyon idinawdaw sa Cajun sauce pagdaka'y sinipsip ang tangan.
“Hindi naman ako
