“SAMPA na.” Inginuso ni Bernard ang papag kay Tori nang kasama niya itong lumabas sa may unahan ng bahay nila kung saan kasalukuyang naghahain ng miryendang suman sa lihiya, puto at kutsinta si Lola Anita. Mas madalas kasi ay doon sila kumakain lalo at maganda naman ang panahon. Si Lolo Abel naman ay nanunungkit ng mangga sa may gilid ng bahay gamit ang mahabang panungkit na may basket sa dulo
Pailalalim siyang tiningnan ng dalaga na para bang takang-taka sa sinabi niya bago muling tumingin kay Lola Anita nang magsalita ito.
“Hena’t magakain na ng mirindal, mga apo,” nakangiting yaya nito sa kanila matapos nitong sumampa sa ibabaw ng papag para sana maghanda nang kumain ngunit bigla itong napapalakpak nang may maalala matapos nitong makita ang apat na mug na may nakalagay na Lipton tea n
