GABRIELLE gritted her teeth. Nararamdaman pa rin niya ang matinding sakit at pagdurusa na idinulot ng pagmamahal niya kay Agila. Tuwing maaalala niya ang kahangalan niya noon ay nagpupuyos siya sa galit. Galit na galit siya sa sarili na hinayaan niya itong maapektuhan siya nang ganoon, na hinayaan niya ang sarili na magpakatanga nang husto sa isang lalaki. Galit siya dahil minahal niya ito nang lubos at hindi niya napagtagumpayang burahin ito sa puso niya.
“I loved you so much then but I was young,” paliwanag ni Agila. “I was weak.”
“You found someone else. Kaya ka hindi tumatawag at bumibisita ay dahil abala ka sa kanya. Hindi mo na `ko naalala. Hindi mo naisip kung gaano mo `ko masasaktan. Nakipaghiwalay ka na nga, hindi mo pa ginawa nang tama. Sana, inamin mo na lang ang totoong dahil
