Nakikiramdam lang si Callea habang nagluluto. Nasa sala si Deive at ang mga bisita nito. Matagal na daw kaibigan ni Deive ang mga ito at magiging kasosyo sa negosyo. Hindi man kumikibo ang iba pero halata namang ayaw ng mga ito sa kanya. Kahit nang magpalit na siya ng makulay na dress na binili ni Deive para sa kanya ay hindi pa rin komportable ang mga ito sa kanya. Mukhang hindi siya ang Callea na inaasahan ng mga ito–ang normal na babaeng inilako ng Lolo Tomas niya.
“Luto na yata iyang sauce, señorita,” untag sa kanya ni Marina. Ni hindi niya napansin na nakabalik na ito sa kusina mula sa pag-aayos ng mesa.
“Anong sabi nila sa iyo?” tanong niya. Ayaw sana niyang palabasin si Marina pero gusto ni Deive na ipakilala ito sa mga bisita.
“Mababait sila at guwapo pa.” Abot-tainga ang ngiti
