Pasimpleng binitawan ni Lance ang kamay ni Mika.
"Mommy, nandito si Daddy. Dad, s'ya nga pala ang kaibigan ni Mommy, si Tito Lance." Pakilala pa ni Sendrick kay Lance sa Daddy nito.
At si Mika naman ay hindi nagsalita. Hindi n'ya nagustohan ang biglang pagdating ni Sierge sa mansion.
"Magkakilala na kami ng Tito Sierge mo, anak. Matalik ko nga s'yang kaibigan noon. " Tugon pa ni Sierge sa anak na lalaki na diniinan pa ang salitang matalik na kaibigan.
" Ah, gano'n po ba, Daddy." Sabi pa ni Sendrick.
Lihim na nagngalit ang mga ngipin ni Sierge na tinapunan ng tingin si Lance.
"Pasensya na, nadisturbo ko tuloy ang pag-uusap n'yo." Hindi napigilang wika ni Sierge sa kanila na kahit anong pilit nitong ngumiti sa kanila ay lumabas parin sa mga mata nito ang hindi pagkakagusto sa na
