Kakagising ko lang ng umaga at nakatanggap na agad ako ng isang mensahe kay Grey. Pero ang sabi niya sa akin ay pupuntahan niya nalang ako sa bahay dahil mahirap ipaliwanag sa cellphone. Tumayo na ako sa aking higaan para mag umagahan, lumabas na ako ng aking kwarto at nakita ko si Liana na nakaupo na sa lamesa at humihigop ng kape.
Hindi kase siya umuwi ng kagabi, baka kakarating niya lang ngayon. Lumapit ako sa kanya at umupo sa gilid niya. Tinapik ko ang kanyang likod kase tulala ito sa kawalan, humarap siya sa akin at nakita kong magang maga ang kanyang mata na parang umiyak ito nang buong gabi. Niyakap niya ako nang mahigpit.
“Please Celina, sabihin mo sa akin na tama ang desisyon ko na hinayaan ko si Jake mag isa.” Sabi niya sa akin. Niyakap ko rin siya pabalik at hin
