"I'M PREGNANT..."
Nag-angat ako ng tingin sa dalagang nasa harapan ko. Nag-uunahan na sa pagpatak ang mga luha sa mga mata nito nang sabihin sa harap ko ang mga katagang iyon.
"So?" Kunot-noong tanong ko.
Dalawang buwan na ang matuling lumipas mula nang umalis si Rhia nang walang paalam. At sa loob ng mga panahong iyon, inabala ko ang sarili ko, kung hindi sa paghahanap dito, ay lasing naman ako at halos hindi na makausap ng matino.
Palagi nga akong may libreng sermon kay Ate Krizel at kay Mama dahil hindi raw magandang ehemplo sa anak ko ang ipinakikita ko rito.
Pero dumating na sa punto na wala na akong pakialam. Hanggang sa sinawaan na rin ang mga ito ng kasesermon sa akin.
Sa ayaw at sa gusto ko ay pinabalik kaming mag-ama sa mansyon. Umaalma pa nga ako noong una, pero nang si Pa
