PAPASOK NA SANA KAMI NI Nickos sa silid na inilaan para sa amin nang bumukas ang kabilang silid at lumabas mula roon si Ma'am Brianna.
Kapwa tumuon ang tingin namin ni Nickos doon at kaagad na nagliwanag ang mukha ng huli nang makita ang kinikilalang ina.
"Mama!" Matinis na sigaw nito saka tumakbo at yumakap sa babae.
"Baby!" Salubong naman ni Ma'am Brianna rito. Ginantihan nito na yakap ang anak-anakan. Kahit medyo hirap dahil sa may kalakihan na ngang tiyan ay bahagya pa itong yumukod upang halikan sa ulo si Nickos. "Matutulog ka na?"
"Yes po, Mama." Nilingon ako ni Nickos, bago bumalik ang tingin sa babae. "It's past my bedtime already, sabi ni Papa. I'm sleepy na rin po."
Marahang natawa si Ma'am Brianna at ginulo ang buhok ni Nickos. Hinawakan nito sa kamay ang bata at inakay nan
