"WHAT?"
Halos sabay naming tanong ni Brianna kay Kira. Hawak nito sa kabilang kamay ang cellphone nito, habang ang kabila ay nasa bibig nito, kagat-kagat ang isang daliri.
Halata ang biglaang tensyon na dumapo sa mga balikat nito.
May pag-aalala rin sa mga mata nito nang tumingin sa amin. Waring hindi inaasahan ang katatanggap lang na balita, mula sa nobyo nitong si Bogs.
Pansamantala, ay narito kami ni Nickos sa isa sa mga silid ng hotel, kung saan ko balak na ganapin ang surprise birthday party ni Kael, para bukas.
Sa ngayon ay almost ninety five percent done na ang mga preparations. Nakipag-usap na ako sa manager ng hotel para sa mga foods at set up ng function room na gagamitin. Lihim na rin na napadalhan ng imbitasyon ang ilang mga malalapit na kaibigan at kakilala naming mag-asa
