"HOW'S THE CHICKEN, BUDDY?"
"It's... delicious, Papa." May kasama pang pagtango na sagot ni Nickos kay Kael, habang hawak ang isang hita ng manok at malaking kumakagat doon.
Pagkatapos ay binalingan nito ang spagetti at dumukot ng french fries... isinawsaw sa naroong chocolate sundae sa tabi ng plato nito at saka idiniretso sa nakabukang bibig.
"And also the fries and the ice cream." Masiglang sabi pa nito habang ngumunguya. Dinala pa sa bibig ang dalawang daliri na nasawsaw ng kaunti sa ice cream at sinipsip ang mga iyon.
Malapad din ang ngiti na nakatingin lang ako rito. Nakakatuwa itong pagmasdan habang maganang kumakain na mag-isa.
Punung-puno na ng musang ng spagetti at ice cream ang paligid ng bibig nito. Kanina ay panay pa ang punas ko roon, pero maya-maya ay inawat na ako ni K
