"GOOD EVENING PO..."
Sunud-sunod na bati ng mga pinsan ni Kael habang isa-isa ang mga itong nagsisipasok. Ang bawat isa ay pawang may dalang tray na naglalaman ng iba't ibang putahe ng pagkain.
Si Dyna ay tulala na lang na napatabi sa gilid ng pintuan at laglag ang mga panga na nakatingin sa mga ito. Hindi ako magtataka kung maya-maya lang ay maglamira sa laway ang baba nito habang nakatingin sa walang itulak-kabigin na mga pinsan ni Kael.
Ang pinakahuling pumasok ay ang mga pinsan nitong sina Cash at Macky. Magkatulong ang mga ito sa pagbuhat ng may kalakihang kahon, na kung ang pagbabasehan ay ang buntot na nakalawit sa dulo, mahihinuha mong letson ang laman ng kahon na iyon.
Maging si Papa ay mukhang nagulat sa biglaang pagpasok ng isang katerbang pagkain. Kaya na yata niyong pakain
