"PA'NO 'YAN?" Nakalabing dumapa ako sa kama at ipinatong ang baba ko sa magkapatong kong mga braso. "Makakauwi ka ba ngayong gabi?"
Huminga ng malalim si Kael. Nag-angat pa ng tingin na tila sinisipat ang labas ng establisyementong kinaroroonan nito.
"Hindi ko nga alam, baby." Ibinalik nito ang tingin sa akin. Kitang-kita sa mukha nito ang pamomroblema. "Cancelled ang mga flights pa-Maynila. Pati sa mga istasyon ng bus, wala ring mga biyahe dahil may mga kalsada raw na hindi madaanan dahil sa mga landslide."
Alas kwatro na ng hapon. Dito sa Maynila ay sobrang dilim ng kalangitan na may mga pa-unti-unting pag-ulan. Pero ang sentro ng bagyo ay ang Norte, ang mismong lugar kung saan naroon ngayon si Kael.
Maayos pa naman ang panahon kanina, hanggang pagkapananghali. Bagaman nagdeklara na
