Nabaling ang atensyon nya ng pumasok sa kwarto si Dylan.
"Uminom ka muna," turan pa nito at tinulungan syang umupo bago ibigay ang baso ng tubig na dala.
"Salamat," tipit na sagot naman nya dito at ibinalik ang baso ng matapos na syang makainom.
Huminga sya ng malalim ng makahiga muli sya sa tulong ni Dylan, ito naman ay nakaupo lamang sa gilid ng kama para pagmasdan sya.
"Kumusta na ang pakiramdam mo?" anito at hinaplos ang maputla nyang pisngi.
Napapikit naman sya dahil sa init ng palad nito na dumadampi sa halos wala ng buhay nyang mukha.
"Maayos na, " pagsisinungaling nya para hindi na ito magtanong pa.
"Magpahinga ka pa," rinig nyang turan ng asawa at sakto lamang na napamulat ang mata nya ng hahalikan sya nito kaya nakaiwas sya.
"Wag Dylan," mahinang bulong nya dito. Napabunt
