Mula sa himpapawid ay natanaw na kaagad ni Gael ang paghupa ng kaguluhan sa kampo. Ang mga nagngangalit na apoy kanina ay unti-unti nang naapula ng mga kawal. Nang siya'y nakalapag, mabilis na kumilos ang mga ito upang sumalubong sa kanyang pagdating.
"Kamusta ang kalagayaan dito?"
"Nagapi na ng mga Poderoso at ng mahal na hinirang ang mga nag-aklas. At ang mga nasunog na kabahayan ay inaayos na rin ng mga kawal." maagap na sagot ng isa sa mga ito.
"Ilan ang mga sugatan at namatay?"
Nagbuntong-hininga ang kawal nang marinig ang kanyang tanong. Saglit na gumuhit ang pag-aalinlangan sa mukha nito. "Labing-walo na sundalo ang kasalukuyang ginagamot, sampu naman sa ating hanay ang nasawi dahil sa biglaang pag-atake."
Kinuyom ng binatang Alpha ang kanyang mga pa
