ذكرني بالحياة

الفصل التاسع

الفصل التاسع من روايه ذكرني بالحياة ? تأليف وكتابه اسماء صلاح عبد الرؤوف تفاعلوا برجاء عدم النشر بدون أذني منعا المسائلة القانونية.......

******************************************

في دهب ........

" انتهت رضوي من سرد حياتها الي كريم ومن ثم أطلقت تنهيده حزينه فهي قد أفصحت بكل شي عن حياتها لهذا الصديق الذي اتي من العدم ليفتح باب قلبها ويخرج ما فيه من أحزان ويصب عليه بعض الكلمات اللطيفه المهونه التي كانت تحلم بها منذ أن كانت طفله.....

كريم بعصبيه : عارفه يا رضوي اللي بتحكي عنه ده يستحيل يكون اب ولا يعرف حاجه عن الدين ... ده هيكرهك في الدين ده اللي بيعمله ده اسمه هبل

رضوي بحزن: انا مبقتش عارفه ايه هو الدين من كتر ما انا متشتته ... يا تري هو الصح ولا انا ولا مين

كريم : هو بالنسبة لوالدك اللي عنده ده مش دين ده كفته

نظرت إليه بحده واردفت : كريم ...

كريم بضحك ساخر : والدي !!! وناقصه عقل ودين ... يابنتي بعد اللي بتقولي انك بتعمليه ده المفروض يسميكي الشيخه رضوي

.....جاء جمال وقطع جلستهم ومن سوء حظها أنه سمع ما كان يقوله كريم ....

جمال بسخرية: انت مغلطتش يا كريم هي فعلا اسمها

حسناء بمقاطعة: احمممم يارب ن*دي .. ايه يا جماعه انتو مش منضمين لينا ليه ده اللعب بالالوان جميل

جمال بضحك : اكيد الشيخه ليها راي تاني !!!؟

كريم بضيق : مش ملاحظ يا جمال انك بقيت تضحك كتير !!! علي الفاضي والمليان!!؟

جمال بحرج : معلش يا كريم اصلك متعرفش حاجه

كريم بنبره لا تحتمل النقاش : طب عرفني علشان اضحك معاك

حسناء بخجل : بصراحه عايزين نقولكم حاجه !

جمال: اه علشان كده جينا واتطفلنا عليكم ...

كريم بهدوء: طيب ما تقولوا ساكتين ليه

حسناء بهمس : جمال قولهم انت علشان م**وفه

جمال بمكر : تعالي نقول كلنا في صوت واحد ولا اقولك تعالي نقول قدام الشله كلها ... تعالو ورايا

"امسك جمال بيد حسناء وركضو ناحيه الشباب فنظر كريم الي رضوي بمعني ماذا يحدث ولكنها اجابته بالنفي عن درايتها بما يحدث

كريم : طب تعالي نشوف المجانين دول هيقولو ايه

رضوي بضحك : بالنظر للي عملوه ده ... اكيد هيعلنو خطوبتهم ...

كريم بشك : خطوبه !!! طب تعالي نشوف وبعدين نرجع نكمل كلامنا

... ذهبوا خلفهم ...فوجدو الجميع متجمعا منتظرين المفاجأة التي يحكو عنها ....

رامي بضحك : ما تخلص يا جمال هتفضلو باصين لبعض كتير ولا ايه عايزين نعرف ....

ليلي : ياريت والنبي علشان عايزين نكمل لعب ...

جمال بهمس : تعالي نقول بقي مع بعض

حسناء بفرحه : يالا ....

...وفي صوت واحد ولكن ليست الكلمات نفسها فهي ... اردفت

حسناء بفرحه : يا جمااعه انا وجمال هنتخطب لبعض

جمال بضحك : يا جماعه انا بضحك علي حسناء

...نظرت إليه حسناء بسرعه ووجدت بوجهه علامات السخريه والجميع أيضا يضحك ومنهم من وقع أرضا من الضحك ويض*بون ايديهم بايدي بعضا لتسقط دمعه منها وتمسحها سريعا وتضحك معهم

حسناء بكبرياء: قررنا نعمل فيكم مقلب ونضحككم شويه ...

ليلي بضحك : ونجحتو والله ... بس شكلك كده يا حسناء مكنتيش بتهزري ده انتي فرحتك كانت هتنط من عنيكي

حسناء بسخرية: فرحه !!! ليه أن شاء الله هو جمال ده بتاع جواز اصلا ... ده اللي هتتجوزو هتبقي حكمت علي نفسها بالاعدام

جمال بتقزز: المهم انها مش هتكون انتي

.. كان كريم يراقب الموقف بهدوء ع** الحريق الذي اشتعل بداخل قلبه فهمس لرضوي أن تاخذ حسناء من امام الجمع حتي لا يخرج انهيارها الواشك امامهم.....

رضوي بهدوء : حاضر ... احم حسناء تعالي معايا

كريم بهدوء مميت : جمال ممكن لو سمحت تيجي ثانيه !!!

جمال : ماشي ....

" اخذه عند مكان فارغ ومن ثم دفعه بكل قوته ليقع علي الرمال فنظر إليه جمال بصدمه ...

جمال بغضب : انت اتجننت !!! ايه اللي بتعمله ده

كريم وهو يمسكه من تلابيب قميصه ويجعله ينهض رغما عنه : انا ايه اللي بعمله !!! وكمان ليك عين تتكلم يا حقير

جمال ببرود : ايه كنت بهزر

كريم بصوت عالي : بتهزر !!! بتجرح مشاعرها وبتقول بتهزر ولا علشان عارف انها بتحبك فا قولت تدوس علي قلبها بالجزمه ... علشان عارف انها بتتراضي بسرعه يبقي تعمل اللي انت عايزه انت ايه يا خي خلي عندك مشاعر شويه وبتقولي بتحبها!!! انت اللي زيك مايعرفش يحب اصلا

جمال بغضب : وانت مالك اصلا ... عامل نفسك واصي علينا ليه

كريم بصدمه : واصي!!! علشان بحبك وخايف عليك وعليها ابقي واصي ... انت مش جمال انت مكنتش كده علي الاقل ياخي لو مش عارف تحبها سيبها ومت**رهاش ..فعلا الصحوبيه ليكم افضل

جمال بغل : انا كنت برد بس ديني من عليها ...قولت ادوقها شويه من اللي كانت بتعمله زمان ... خليتها تصاحبني و**رتها قدام الناس زي ماهي عملت

كريم باستياء: مش م**وف من نفسك وانت بتقول كده !!! عارف انا مبقاش ليا دعوه بيك يا جمال ... بس فكر تقرب من اختي انت فاهم

جمال : دي مش اختك علشان تحامي عليها

كريم بتأكيد حاسم : لا عندك واقف بقي دي اختي غصبن عنك ..واياك تفكر تقرب لها أنت فاهم !! وانا هعرف ادوس علي قلب اختي علشان مايحبش اللي مش بيحبها سلام يا صاحبي

...تركه كريم وهو حزين من أفعال صديقه التي يراها لاؤل مره ولا يعلم سببها ....ومن ثم وصل إلي المكان الذي يوجد فيه ما يدعوها بأخته وطرق الباب فخرجت هي وعلي وجهها اثار البكاء

كريم بهدوء: تعالي يا حسناء عايزك

حسناء بجمود: عارفه يا كريم انت عايز تقول ايه خلاص لو سمحت سيبني لحالي انا فعلا كويسه

كريم : حسناء انا عارف اللي عمله غلط بس هو في الاؤل والآخر

حسناء وهي ترد مؤكده: غلطه في حياتي ولازم اصلحها عن اذنك ...

تركته وذهبت هي الاخري ليردد كريم : ايه الرحله المنحوسه دي

رضوي : الظاهر اني وشي فقر عليكم

كريم وهو يلتفت إلي الصوت الأنثوي القادم من خلفه : تصدقي بالله انتي الوحيده اللي وشك حلو علينا يا شيخه ... تعالي يا غلبانه ياللي مش بتعملي مشاكل انتي تعالي نقعد علي البحر

رضوي بضحك : نقعد علي البحر ... طب ايه رايك في فكره احلي تعالي نغير لهم جو الاكتئاب ده ونعمل حاجه جديده

كريم بتفكير: اممممم فكره كويسه بس هنعمل ايه

رضوي : انت صوتك حلو وانا كذالك ايه رايك نغني في المايك بصوت عالي وهما هيطلعو من الكهف بتاعهم ...

كريم بحماس : يلا بينا يا ريا ....

" وبعد مرور الوقت بالفعل عزمو علي الغناء سويا

رضوي بحنق : بس ده مايك واحد بس

كريم بضحك: هنغني فيه احنا الاتنين .. متكلضميش اؤي كده وانتي زي القمر

رضوي بخجل : احم طيب يلا خلينا نغني ..

كريم بمشا**ه: بقي انا صوتي هيخرج بعد ال**وف ده ... بقولك ايه ما تجيبي بوسه

رضوي بصدمه : ايه الوقاحه دي !!!! تصدق اني غلطانه اني صاحبتك

كريم بابتسامه: مهما حاولتي يا رضوي مش هتعرفي تغيري من نفسك ...

رضوي بشك : انا ليه دايما بحسك بتلمح لحاجه يا كريم ... اصل بردو المعا**ه بالشكل ده مش طبعك

كريم بهدوء: مش قصدي حاجه.. تيجي نغني !!؟ وبعدين نفسي اسمع صوتك

رضوي : احم هنغني ايه !!؟

كريم : نغني لو يعني بايع بتاعه بهاء سلطان

رضوي بضحك: تعرف أن بهاء سلطان ده المفضل عندي كنت اسمع اغانيه لما بابا يمشي واكتبهم علشان احفظهم

كريم وهو ينظر إليها بإعجاب شديد : يا بخت بهاء سلطان والله ...

" لم ينتظر ردها وبدأ بالغناء ...وهي تجاوبه في الاغنيه وبدأوا بالمقطع الاتي ... كنت بخاف طول عمري عليك اكتر من روحك يا اللي زمان انا كنت غرامك قولي ازاي تنساه ....

... حضر الجميع علي أصواتهم وتجمعوا حولهم وبدأوا بالاندماج معهم بسرعه بسبب أدائهم المحبب ... منهم المعجبين بأصواتهم ومنهم المستعجبين... نظر كريم الي رضوي بابتسامه وهي تبادله الابتسامه

لو يعني بايع طب ياللي بايع خد وانت ماشي كل اللي يفكرني بيك ...

نظر جمال الي حسناء فوجدها تجاهد دموعها الا تهطل ...

رضوي بخجل : كريم خلاص الكل خرج تعالي نلعب بقي لاني خايفه حد يصورني

كريم : ماشي ... ايه رايكم يا جماعه نلعب تاني بالألوان !!؟

" صرخ الجميع في مرح وبدأوا في الركض واللعب وأما حسناء فابتسمت بكبرياء وظلت تركض وراء أحدي زملائها وتلعب معه وترميه بالالوان وتضحك غافله تماما عن هذا الذي يحترق غيظا ... وأما عن كريم فهو يركض بسعاده عارمه لم يشعر بها إلا بوجودها معه ويحاول تلطيخها بالالوان ...

رضوي بتعب : هموت خلاص يا كريم بالله عليك

كريم وهو يلقي بوجهها الألوان دون أن يلمسها : مقدرش اشوفك قدامي ومش الونك بالواني

نظرت اليه بابتسامه واردفت : طب قرب بقي علشان الونك انت كمان

كريم بتحذير : خدي بالك من كلامك ايه قرب دي ... لونيني من بعيد وضع مؤقت بس لحد ما ينفع تلوني من قريب

رضوي بعدم فهم: ازاي يعني لحد ما ينفع

كريم بتشتت: مش عارف والله هي كلمه خرجت وخلاص ... اااه غ*يه عيني

" كانت قد استغلت انشغاله بالحديث والقت بوجهه الالوان .

رضوي بضحك : معلش يا رومي .حظك بقي

كريم بوجع: اااه عيني مش قااادر

اقتربت منه رضوي بقلق : كريم انت كويس انا اسفه فعلا ماقصدش ااااه

" امسك باصبعها وضغط عليه فصرخت متالمه ومن ثم وضع بيده علي وجهها جميع الالوان

كريم بابتسامه: شوفي بقي انا بحذر الاؤل وبعدين بتجرء ... ما انا بشر بردو مش ملاك

نظرت إليه رضوي بهدوء واقتربت منه وصفعته بقوه علي وجهه : وانا بشر بردو مش ملاك والكف ده يستاهل وشك خد بالك بعد كده ... مش انا اللي اتعامل بالأيد ولا انت استحلتها بقي ؟

كريم بصدمه : .....

*****************************************

في منزل مسلم الشيخ ....

" كان مؤمن نائما علي الفراش وابتسامه بلهاء علي وجهه متذكرا تلك المشاجرة التي حدثت بينه وبين تلك الفتاه .... والتي كانت عباره عن

عوده بالذاكرة الي وقت المشاجرة.....

مؤمن بتحدي : وانتي ماموره بالستر

فرح بثقه : بس يعني حتي لو مش مستوره انت من حقك تبص يعني !!؟

مؤمن بنفس اللهجه : يعني علشان احنا مش بنبص بقي تقومي تتبرجي بصي نهايه النقاش زي ما احنا مامورين بغض البصر انتي ماموره بالستر وربنا عرف كل واحد طريقه اسلكيه بقي زي ما انتي تحبي في الاخر محدش هيتعذب مكان التاني ... لا انتي هتقولي هو اللي بص ولا انا هقول هي اللي لبست

فرح بابتسامه: تعرف رغم اني مستوره ولبسي كويس وانت اللي مخك متقفل بس حقيقي كلامك حلو اوي وبالذات الجمله الاخيره دي

أبتسم لها مؤمن متناسيا النقاش واردف: شكرا .. المهم انا بدور علي شغل هنا ولازم امشي علشان متاخرش فرصه سعيده

فرح بحماس : بتدور علي شغل ... طب تحب تشتغل معايا !!؟

مؤمن باستغراب: اشتغل معاكي ايه !!؟

فرح : ماقصدش انا محتاجه سواق يوديني بالعربيه ويجيبني كل يوم علشان بابا منع المواصلات دي خالص

مؤمن : ليه منع المواصلات يعني !؟

فرح بضيق : حابب تشتغل من غير ما تسأل ولا لا

مؤمن: حابب بس معنديش عربيه اصلا

فرح : بابا عنده عربيه علي قده كده ... لو حابب تشتغل سيبلي رقمك

مؤمن بهدوء : والدك مش هيدايق أنه راجل يوصلك

فرح بتافف وتحدثت بعصبية : يالهوي عليا يابني انت مخك ده ايه متركب شمال ...

مؤمن : خلاص زي ما تحبي اتفضلي رقمي اهو .. بس اوصلك فين !؟ مكان معين يعني

فرح : اه الكليه بتاعتي .. وعده اماكن كده وشغلك هيكون باليوميه فاهمني يعني هد*ك كل يوم بس لما أعرف بابا ونقولك المبلغ وإذا عجبك مرحب بيك

مؤمن: ماشي يا انسه فرح ... سلام عليكم

فرح باستغراب : انت وراك حاجه ولا ايه ما انا خلاص شوفتلك شغلانه

مؤمن بضيق : لو حد شافك واقفه معايا في الشارع كده هيقول عليكي كلام مش كويس وانا مرضاش بكده

" نظرت إليه بابتسامه لم تعلم كيف خرجت منها فهي بالعاده ليست بهذه التلقائية مع أحدا ولكنها تري فيه شيئا مختلفا عن غيره رغم أن تفكيره محدود ولكن به شيئا مختلفا...

مؤمن بإحراج: طب يا انسه فرح انا لازم امشي معلش علشان يعني

فرح بضحك : تصدق بالله انت بتحسسني اني وحشه اوي قدام نفسي لما انت م**وف حتي تقف معايا وانا بقالي ساعه واقفه برغي معاك في حاجات ملهاش لازمه

مؤمن : ازاي بس تقولي كده .. انتي جيتيلي من السما انا بدور علي شغل من زمان بس مش لاقي بالكليه بتاعتي فا قولت اشتغل اي حاجه تانيه يعني اكيد مش هقعد في البيت ....

فرح : هو انت خريج كليه ايه طيب !!؟

مؤمن : اصول دين قسم دعوه

فرح بهمس لنفسها: اكيد بس انت قسم القضاء علي الفسق والفجور ... يا خربيتك يا بت يا فرح تموتي في الهزار

مؤمن برفعه حاجب: فعلا هزارك لطيف اؤي زيك كده ...بس يا تري هزارك ده بردو موجود في حياتك العمليه

فرح بغرور: يابابا انا في كليه تمريض يعني الدلع كله

مؤمن بتقزز : تمريض !!! دول بنات استغفر الله العظيم

فرح بغضب : نعم !!!!

**************************************

ستوووووب انتظروني في بارت جديد واحداث جديده قادمه من روايه ذكرني بالحياة ? تأليف وكتابه اسماء صلاح عبد الرؤوف تفاعلوا برجاء عدم النشر بدون أذني منعا المسائلة القانونية