KABANATA 38
“SA ISANG tingin ko pa lang sa ‘yo at sa mga ngiti mo, huhulaan ko ng nagustuhan mo ang lahat ng nai-serve ko rito? Kape at mini cakes.” Masayang tanong ni Wana pagkalapit niya sa ‘min.
Mas lumawak at tumamis ang ngiti ko, kasing tamis ng mga masasarap na cake na ipinatikim niya sa ‘min ni Senyorito Raphael dito.
“The best ang mga pagkain at kape rito, sigurado akong dadayuhin at magiging paborito ng lahat ng tao rito sa bayan ninyo ang coffee shop mo, Wana.” Honest na feedback ko sa kaniya.
Napahawak siya sa magkabilang pisngi niya saka parang bata na nagtatalon sa tuwa. “Really?! Thank you, Angeline! Excited na tuloy ako lalo!”
Tingin ko ay dalawang oras na yata ang nakakalipas magmula noong nag-serve si Wana ng makakain namin at maiinom dito, bukod yata sa masarap ang l
