“HUY, natutulog ka pa yata eh,” pukaw ni Yuuji kay Coffee kasabay nang paglapag nito ng isang tasa ng kape sa harapan niya.
Napakurap naman siya. “Salamat sa kape,” sabi niya rito at wala sa loob na hinigop iyon. Napaaray siya nang mapaso kang dila niya sa init niyon.
Tatawa tawang umupo sa tabi niya si Yuuji. “O ano gising ka na?”
“Ang init!” reklamo niya. pero in fairness ay nagising nga siya ng dahil doon. Kasi naman, hindi siya nakatulog kagabi kahit anong pilit ang gawin niya. Kahit ano kasing gawin niya ay nagpapabalik-balik ang mukha ni Ace sa isip niya.
Ang pinakamatindi pa-ay ang aga aga siyang binulabog ng editor in chief niya. Kinukulit na naman siya tungkol sa article na pinapagawa nito. how could she possibly write something about Ace when she saw that painful expression
