Dahil sa monthly assessment at ang aking koronasyon ay mas naging busy ako. Hindi ko pa rin makalimutan ang sinabi sa akin ni Hiro ngunit hindi ako nakapunta sa lugar at araw na sinabi niya dahil sa dami nang aking ginagawa. Hindi ko alam kung pumunta nga ba siya noong araw na iyon o di kaya naman ay masyado rin siyang maraming ginagawa. Hindi naman na siya bumisita sa akin, sana lamang ay hindi siya nagtampo sa hindi ko pagsipot sa sinabi niyang pagkikita namin.
Magmula nang sinabi ko kay Zeref ang lalaking nakita ko sa Cyore pati na rin ang taong nais na pumatay sa akin ay hindi na talaga siya umalis sa aking tabi. Wika niya ay mas delikado ngayong malapit na ang aking koronasyon. Hindi na rin namin napagusapang muli ang bagay na iyon at sa tingin ko ay ayaw niya nang isipin ko pa ang
