Maagang aalis ang Mama. Sabado kaya pupuntahan niya mga kapatid ko.
Habang busy siya sa pagsasalansan ng mga damit sa bag na dadalhin niya, nagluto naman ako ng babaunin mamaya kina Avery. Kakahiya na kasi na wala manlang kaming nadadala sa tuwing pumupunta kami.
Masaya namang tumutulong si Fria kay Mama kasi kahit anong gusto niyang sumama eh di naman pupwede.
Nagmamadaling kumain ang Mama dahil darating na ang kanyang sasakyan.
“Ikaw ng bahala rito ha? Babalik rin ako mamayang gabi.” Bilin ng Mama at saka mas mabilis pa sa segundong naglakad palabas.
Kumaway na lang ako nang tumakbo na ang sasakyan.
Sa haba ng panahon na ganyan siya, nasanay na rin ako. Buhay man o wala na ang Papa, parang di talaga trip ng Mama ang magtambay sa bahay.
Kaya di ko rin masisi ang Lola kung bakit mad
