Tatlong araw na hindi nagpakita si Edward sa kanya, pero imbes na matuwa ay naiinis siya. Sinasadya ba nitong iwasan siya?
Sa pagkainip sa bahay ay nagawa niyang basahin ang librong binigay ni Edward sa kanya. Gusto niya itong puntahan sa bukid pero hindi niya kabisado ang daan. Isa pa'y ayaw niyang ipakita dito na siya rin ang sumuko.
Alas nueve ng umaga nang marinig niya ang boses ni Edward sa ibaba. Bumilis ang t***k ng puso niya na tila nanabik siyang makita ito. Kung boyfriend niya ito'y kanina pa siya tumakbo palabas para salubungin ang binata.
Narinig niya ang hakbang paakyat sa hagdan at alam niyang pupuntahan siya nito sa kwarto. Nagmadali siyang humiga sa kama at nagkunyaring natutulog. Ang librong hawak ay itinakip sa mukha.
"Don't pretend that you're sleeping. Gusto mo b
