“Hindi ka pa ba uuwi? Overtime ka nanaman eh wala naming bayad,” wika ni Verna na kasama niya sa ospital na isa ring nutritionist.
“Pauwi na rin. Sasabay ka ba?” tanong niya rito. Halos iisa lang naman ang daan ng kanilang inuuwian at halos araw araw niya itong kasabay dahil maaga rin ang pasok ng asawa nito sa Makati. Inayos niya na rin ang sarili at nagpasyang umuwi.
"Oo naman, para tipid sa pamasahe. Alam ko namang gusto mo rin ng ka-chickahan sa byahe," nakangiting wika nito.
Dalawang taon na siyang nagtatrabaho sa isang public hospital sa Quezon City. Mula nang tanggihan niya ang alok na pagpapakasal ni William ay hindi na siya bumalik sa dating pinapasukan. Nang magkamalay si Edward mula sa isang linggong pagka-comatose ay hindi na siya bumalik para kausapin ito.
