Ilang ulit na pabalik balik ako ng lakad. Mga isang oras na rin kasi ang lumipas magmula na dumating ako sa harapan ng bahay nina Myca. Kaso nga lang ay hindi ko naman magawang pindutin ang doorbell nila.
"Savannah, ano pa ba ang tinutunganga mo rito," pagsermon ko pa sa aking sarili, "Ano ka ba! Maging matapang ka at harapin mo silang lahat."
Doon ay humugot ako ng malalim na hininga bago malakas na pinakawalan ito. Kahapon kasi ay nakatanggap ako ng tawag mula kay Myca para imbitahan sa isang salo salo sa kanilang bahay. Iyon nga lang dahil sa nangyari noon sa presinto at ang ginawa ko na pagpapahuli noon kay Glyden ay nahihiya ako na magpakita sa kanila. Lalo pa na hanggang ngayon ay hindi ko pa nakakausap ng personal si Glyden para humingi ng kapatawaran sa kanya.
Gusto ko sana na
