"Pfffft!"
Agarang napairap ako sa pagpipigil na iyon ng tawa ni Zeus. Sa lahat yata ng na-basted ay siya pa ang natutuwa sa sitwasyon ko.
"Zeus..." hindi ko natutuwang pagsaway sa kanya.
Doon ay hindi na nga napigilan ni Zeus ang kanyang tawa. Umalingawngaw ang malakas na paghalakhak niya sa loob ng kanyang sasakyan.
"Hahahaha! Sorry Savannah! Kasi hahahaha!" malakas ng pagtawa ni Zeus at paulit ulit na inihampas pa ang kamay sa manibela, "Iba ka talaga! Hahaha!"
Labis na napasimangot naman ako sa patuloy na pagtawa niyang iyon. Hindi ko naman kasi maisip kung anong parte sa kinuwento ko ang nakakatawa para tumawa siya ng ganitong kalakas. Kulang na nga lang ay maglumpasay siya rito sa kanyang kakatawa.
"Zeus, talagang tinawanan mo pa ito... Alam mo naman ang sitwasyon ko di ba?" na
