Nang dumating ang kinagabihan ay nakatalikod na humiga ako sa sofa. Paano ba naman ay sobrang napikon talaga ako nang kwesyunin ni Sir Apollo ang katalinuhan ko. Ginawa niya iyon dahil lamang sa may bagay na hindi ako pa rin nalalaman.
"E di siya itong ubod ng talino," mahina at nagtatampong pagbulong ko pa, "Siya na kasi ang graduate ng PhD eh. Hiyang hiya naman ako sa talino niya. Hmmmmph!"
"Miss Quintana..." pagtawag naman sa akin ni Sir Apollo na para bang narinig pa niya ang ibinubulong ko na iyon, "Uy galit ka pa rin ba sa akin?"
Hindi naman ako umimik at umakto na lamang na natutulog doon. Hanggang sa maisipan ko na magkunwari na naghihilik para mas kapani-paniwala ang arte ko na iyon.
"Alam ko na gising ka pa," muling sambit ni Sir Apollo, "Hindi ka naman naghihilik kapag natut
