KUMUNOT ang noo ni Aiden ng mag-angat siya ng tingin patungo sa gawi ng pinto ng condo niya ng marinig niya ang pag-doorbell niyon. Hindi naman niya mapigilan ang mapaisip kung sino ang bisita niya sa sandaling iyon.
Pero mayamaya ay nasa isip niya na baka ang kakambal niyang si Angelo ang bisita niya. Ito lang naman ang bumibisita sa kanya ng walang abiso. Nagugulat na lang siya minsan kapag napapagbuksan na niya ito sa labas ng condo niya.
Ibinaba naman niya ang hawak na canned beer sa center table at tumayo siya mula sa pagkakaupo niya sa may sofa sa may sala. Pagkatapos niyon ay naglakad naman siya patungo sa gawi ng pinto para pagbuksan kung sino man ang nasa labas.
And he was right, dahil pagkabukas niya ng pinto ay nakita niya ang kambal na nakatayo sa harap ng pinto ng condo
