NILINGON ni Aria si Aiden na nasa likod niya pagkalabas nilang tatlo sa pinuntahan na store na bilihan ng mga bag. Napansin naman niya ang pagsulyap nito sa kanya nang makita nitong lumingon siya. Blanko naman ang ekspresyon ng mukha nito, hindi tuloy niya mabasa kung ano ang iniisip nito.
At sa sandaling iyon ay bitbit nito ang tatlong paperbag na pinamili ni Tita Aika sa unang store na pinuntahan nila. Puro bag iyon. Nakabili din siya, pero isa lang. Hindi din naman kasi siya mahilig bumili ng bag. Bibili lang siya kapag kailangan niya at mayro'n pa naman siyang ginagamit.
Nag-presenta nga kanina si Aiden na bitbitin ang pinamili niya pero tumanggi siya. Nahihiya din naman kasi siya na ipabitbit ang pinamili niya. Mabuti sana kung si Angelo ito, hindi siya tatanggi kung sakaling mag-p
