GAYA ng plinano ni Aria at ni Tita Aika ay tuloy ang pagpunta nila sa Mall na dalawa. At ngayon ay hinihintay niya ang pagdating ni Tita Aika. Sinabi kasi nito sa kanya na susunduin siya nito sa condo niya. Sinabi naman niya dito na sa Mall na silang dalawa magkita pero mapilit ito at sinabi na sunduin na lang siya nito sa condo niya.
Simple lang naman ang suot ni Aria sa sandaling iyon. Nagsuot siya ng babagay sa pupuntahan at iyong komportable din siya. Nakasuot siya ng dark blue na tight jeans na pinaresan niya ng white sleeveless. Naka-sneakers din siya, ayaw niyang magsuot ng sandals dahil baka manakit ang paa niya dahil sigurado siyang lahat ng store ay lilibutin nilang dalawa ni Tita Aika. Ipinusod din niya ang kalahating buhok at may ribbon pa iyon. Powder lang naman ang inilagay
