THIRD PERSON POV
Mabigat ang hangin sa loob ng malawak na living room ng Ferrera mansion.
Hindi ito ang uri ng katahimikan na payapa ito’y katahimikang parang may nakaambang bagyo. Ang mga kurtina ay bahagyang gumagalaw dahil sa malamig na hangin mula sa aircon, ngunit walang kahit sinong nakakaramdam ng lamig. Ang tensyon ay masyadong mainit, masyadong makapal.
Nakaupo sa gitna ng sala si Soren Malachi “Chi-Chi” DeRavage—maayos ang suit, perpekto ang postura, ngunit ang mga mata’y puno ng galit. Hindi siya mukhang bisita. Mukha siyang hukom. O mas tama isang tagapagbitay na naghihintay lamang ng hudyat.
Sa tapat niya, magkatabing nakaupo ang mga magulang ni Diyosa.
Ang ama matikas pa rin sa tindig, ngunit halatang pagod. Ang ina mahigpit ang hawak sa bag, nanginginig ang mga kamay. W
