HINDI makapaniwala si Steve na unti-unti na naman siyang nilalamangan ni Temyong. Dahil naalarma siya sa sumbong nina Boy, sikreto niyang pinasundan ang lalaki sa kung saan-saan ito nagpupunta.
Nagulat siya nang totohanin ng lalaki na magpakabit ng maliit na hidden camera sa vicinity ng mansyon ni Bettina Montelumiere dala-dala pa ang ilang tauhan niya. Nakumpirma niya rin sa isang asset na pinagkunwari niyang kukuha ng “yelo” kay Temyong na kulang ng ilang gramo ang dini-deliver nito sa mga parokyano nila kaya humihina nang kaunti ang negosyo niya.
Dahil sa dami na ng atraso ng lalaki sa kanya at tila bumabalik na naman ito sa dati nitong gawi, kailangan niyang tabasan na nang kaunti ang sungay nito bago pa siya suwagin.
“Sabihan mo ako kapag nariyan na siya,” sabi niya sa receptioni
