EKSAKTONG ala una ng madaling araw ay nakahanda na ang mga gamit ng magkapatid na Kim. Iniwan sila ni Six at umuwi ng alas dose ng madaling-araw. Pinayuhan sila nitong huwag munang sabihin kahit kanino ang nangyaring insidente upang hindi matabunan ang masayang pangyayari sa buhay ni Asher.
“Habang nasa café sina Lorice, Wilkins, at Layne, kayo munang ang tumao sa bahay na ‘to. Kapag umuwi na sila sa gabi, kayo ang bahala kung uuwi kayo kasabay si Gibson o hindi. Basta, kailangan may maiiwan dito para magbantay kay Gaia.
“Hindi ko kasi alam kung hanggang kailan siya hindi papasok sa café dahil sa papa niya. Hindi ko rin alam kung papasok si Tristan kaya just to make sure, check on them.”
“Paano? Baka magulat siya sa akin dahil nakilala ko siya kanina?” tanong ni Boy.
“H
