NAKAHINGA nang maluwag si Gaia nang sabihin sa kanya ng doktor na maaaari na siyang makauwi ngayong araw. Ang dalawang araw na pamamalagi niya sa ospital ay nagpapahina sa malakas niya namang resistensya.
Kahit pa napapadalas ang pagsakit ng kanyang ulo dahil sa mga memoryang naaalala niya na, wala siyang pinagsabihan ng mga ito. Ililihim niya ito hangga’t hindi pa sila nakakauwi ng bahay.
Ayaw niyang malaman ng mga doktor ang tungkol doon. Hindi niya na daragdagan pa ang dalawang araw na iyon para lang mag-run ng mga test tungkol sa pagbabalik ng alaala niya.
“Gaia…” Nilingon siya saglit si Tristan habang nag-ba-browse sa f*******:. Sina Nicole at Jessie na ang nag-asikaso ng clearance niya habang kasama niya ang pinsan sa loob ng silid.
Nakaayos nang lahat ang kanyang mga gamit a
