MATAPOS tapusin nina Boy ang naudlot na pagsasalo-salo sa hapag, pabagsak na naupo ang binata sa sofa. Napailing siya sa surpresang pagtawag na iyon ni Six. Alam niyang may balak ang lalaki pero hindi niya alam na ito na iyon.
Hindi niya inasahan na maiisahan siya ng lalaki dahil hindi niya sinagot ang huling tanong nito bago pa siya umuwi. Parang gustong lumabas ng puso niya kaninang makita niya pa lang sa pinto ang pulis. Ang pagsubok na iyon ng lalaki sa kanya ang talagang nagpa-realize sa kanya ng isang bagay.
Hindi niya gustong mamili. Hindi niya rin naman kayang ganito na lang ang mangyari sa kanya hanggang sa kanyang huling hininga. Hindi niya kayang duamting sa puntong ganoon na lang ang kahihinatnan niya sa Diamond Empire.
Ilang taon siyang naging loyal sa organisasyon pero
