“IF the time comes, Gaia will be needing to know the truth, Tristan…”
Naalala niya ang sinabi ng ama habang nauunang maglakad papasok sa loob ng bahay. Nagkatinginan pa sila ng mga magulang na mukhang alam na kung ano ang nangyari. Narinig nila ang pag-uusap na iyon dahil sa lakas ng sigawan nina Gaia habang nasa kalsada.
He was not expecting this. Kanina lang ay masaya silang nagtatawanan kasama ang bisita nilang si Adrian sa dining area ngunit dahil sa narinig nila sa labas, nagbago bigla ang takbo ng usapan pagpasok nila sa loob.
“Please explain…” sabi ni Gaia at saka naupo sa sofa.
Muli siyang sumulyap sa mga magulang bago nagsalita. Hindi siya nanghihingi ng tulong ngunit kailangan niya ng suporta nila sa mga sasabihin niya. Lumapit na rin sa kanila sina Carlos at Adrian.
“Na
