HALOS mapugto ang hininga ni Gaia nang dahan-dahan niyang idilat ang mga mata. Hindi siya ang tinamaan ng bala kundi ang isa sa mga tauhan ni Temyong. Ngunit kahit na ganoon pa man, hindi pa rin silang dalawa ligtas ni Matteo sa pangambang pwedeng-pwede silang mahulog sa bangin na ‘yon.
“Hayop ka talaga!” Hindi maiwasang magmura ni Temyong pagkatapos noon dahil ilang dipa lang ang pagitan sa kanya ng lalaking binaril sa hindi malamang lokasyon.
Kahit si Lucas ay nagulat din sa pagpapaputok na iyon na alam niyang galing kay Landon.
“Ibababa namin ang mga dala namin kung ibababa n’yo rin ang mga baril n’yo. Lumaban kayo ng patas…lalo ka na Temyong.”
Ngumisi si Temyong at saka inilibot ang paningin sa paligid. Alam niyang nagtatago lang ang mga ito sa mga drum na naroon. Hindi siya pw
