HINDI nag-imikan kinabukasan sina Nyel at Elsa. Tanghali na ito lumabas sa kwarto habang si Nyel naman ay sa sofa natulog. Katanghalian ay wala pang nagsasaing sa kanila o nagluluto ng ulam kaya kinatok nila si Temyong sa kwarto kung ano ba ang gusto nitong kainin.
“Magpa-deliver ka ng apat na pizza, Nyel,” utos ni Temyong na kalalabas lang ng kwarto at tumatagaktak pa ang tubig sa dulo ng buhok nito. “Ikaw na bahala kung anong flavor basta apat na box ng pizza.”
Sinulayapan niya ang ate na nasa dining area kausap ang iba pa nilang kasamahan. Si Carding naman ay katabi niya na nanonood sa cellphone. Hindi siya nakatulog nang husto kagabi dahil sa dami niyang iniisip. Dumagdag pa ang lihim na pagbubuntis ni Elsa na ayaw niyang ipaalam kahit na kanino—kahit pa kay Temyong.
Hin
