BUMUNGAD kay Gaia ang nag-aalalang mukha ni Tristan. Pawisan ito kahit na nakakumot na siya sa lamig dahil sa lakas ng air conditioner sa loob ng kwatro niya.
“Gaia, ano bang nangyayari sa ‘yo?” Halos maiyak ang kanyang pinsan sa pag-aalalang nababasa niya sa mga mata nito.
“T-Tristan…” Hindi niya maiwasang maiyak sa nangyari—hindi lang sa kanya kundi sa batang lalaking alam niyang babakat ang kamay ng lalaking iyon sa pisngi nito.
Humagulgol siya na tila ba totoo ang nangyaring iyon.
“Ano’ng nangyari? Bakit ka umiiyak?” nag-aalalang tanong nito sa kanya.
“Hindi ko alam. Gusto ko siyang iligtas, Tristan. Pero hindi ko magawa…”
Ibinuhos niyang lahat ang mg aluhang hindi niya napakawalan ilang buwan na ang nakalipas. Magmula noong nag-break sila ni James, nawalan siya ng trabaho,
