NGAYONG araw na ito, walang nakahula na ang masaya sanang pagsasalu-salo nila sa sementeryo ay magtatapos ng malungkot at puno ng hinagpis. Maririnig ang panaghoy sa emergency room nang kumpirmahin ng doktor na wala ng buhay si Carlos nang dalhin nila sa ospital.
Matapos mawalan ng pulso ng lalaki, agad nila itong dinala sa ospital sa pag-aakalang maaari pa itong maisalba ngunit wala na talaga—huli na ang lahat sa kanila.
Yakap-yakap ni Gaia ang mainit pa noong bangkay ng ama habang dumadaloy ang luha nito sa noo ng ama. Nakaluhod naman sa malamig na sahig si Jessie habang hawak-hawak ang kamay ng lalaki. Nasa likod nito sina Nicole at Tristan na habang inaalo ang lalaki ay umiiyak din.
Nasa labas naman sina Lorice at Layne na nabigla rin sa nangyari. Hindi nila alam kung ano ang gag
