Laylay ang mga balikat na sinundan ng tingin ni Dana ang binatang animo hinahabol niya ng taga sa pagmamadali nitong makalayo sa kanya. Inis na kinutusan niya ang sarili. Kasalanan niya. Mabuhusan ba naman ng mainit na kape ito dahil sa kanya, gugustuhin pa nga ba naman nitong manatili doon kasama niya.
Tiningala niya ang bilog na bilog na buwan. Perpekto pa naman sana ang setting para sa isang romantikong gabi. Napabuntung-hiningang ipinatong niya sa balustre ang mga siko at nangalumbaba habang nakatingala sa buwan na tila pinagtatawanan pa siya sa kanyang kapalpakan.
“Congratulations!”
Bigla siyang napaunat ng tayo at napalingon sa madilim na bahagi ng veranda na siyang pinagmulan ng boses na iyon.
“Huwag kang manlumo. That was Flynn’s friendliest
behavi
