Naglinis ako ng buong bahay ng araw na ‘yon at inisa-isa ang kwarto ng magkakapatid. Pero nagtataka ako dahil ang linis na ng kwarto nila at hindi na kailangan na linisan pa. Pati bahay malinis din, eh, at mukhang habang wala ako, ay sina Quartz, Quest at Quill muna ang umasikaso sa bahay. Natuwa naman ako doon kaya magaan ang ginawa kong trabaho. Pati nga ang mga labahin na naiwan ko ay nalabhan na rin at natupi. Sa kusina ko na lang inabala ang aking sarili at chineck kung may laman pa ang pantry. Marami naman, pati sa ref na ang daming lalagyan dahil sa mga tirang pagkain. Ayoko naman na masayang ito kaya nilabas ko ang ilan at sinimulan ko itong iinit. Ipapakain ko sila sa mga strays na nakikita ko sa labas. Buti na lang at hindi naman sila pinapalayas ng subdivision dahil kawawa naman
